Қала әкімі Алматы тапсырмасы бойынша Алматыда 2022-2023 жылдардағы жаңа жылыту маусымы 2022 жылғы 17 қазанда басталды. Жаңа жылыту маусымының ашылған күні метеорологиялық болжамдар мен Алматы қаласындағы ауа райының күнделікті мониторингі негізінде айқындалды.

Бұл ретте тұтынушыларды жылумен жабдықтауға қосу мынадай кезектілікпен кезең кезеңімен жүзеге асырылатын болады:
— балалар, емдеу, мектеп мекемелері, кәсіптік мектептер, медициналық-әлеуметтік мекемелер;
— тұрғын үйлер, жатақханалар, қонақ үйлер;
— әкімшілік ғимараттар, оқу орындары, театрлар;
— басқа ғимараттар.

Жылумен жабдықтау желілерін алдағы жылыту маусымына дайындау бойынша барлық жұмыстар кестеге сәйкес жүргізілді. «Алматы жылу жүйесі» ЖШС тұтынушыларға жылу беруді қамтамасыз етеді. 

Сонымен қатар, көппәтерлі тұрғын үйлерді жылумен қамтамасыз ету процесі басталды. Жылу желілері жылу энергиясын баланстық шектеу шекарасына дейін (үйге кірер алдында) жеткізуді қамтамасыз етеді. Басқарушы компания, ПИК, МИБ үйге кіре берістегі параметрлерді тексеріп, үй ішіндегі жылумен жабдықтау жүйесін осы үшін барлық қажетті шаралармен қосуды жүзеге асыруы керек.