Есептегіштегі пломбаны алу және қайта орнату тәртібі
Тұтынушы пломбаны алу үшін «АлЖЖ» ЖШС-не алдын ала объектінің мекенжайын, дербес шоттың немесе шарттың нөмірін, байланыс телефонын және пломбаны алу себебін көрсете отырып, өтінім беруі қажет.
Өтінім берілген күннен бастап 10 жұмыс күні ішінде есепке алу аспабының қолданыстағы көрсеткіштерін тіркеу, пломбаны алу және акт жасау үшін уәкілетті маман объектіге барады.
Жөндеу жұмыстары аяқталғаннан кейін, метрологиялық салыстырып тексеру жүргізілгеннен кейін немесе есепке алу аспабы ауыстырылғаннан кейін тұтынушы пломбаны қайта орнату туралы өтінім беріп, «АлЖЖ» ЖШС-не қайта жүгінуі қажет.
Есепке алу аспабын тексеру нәтижелері бойынша оның жарамдылығы, қолданыстағы метрологиялық салыстырып тексеру мерзімінің болуы және белгіленген талаптардың сақталуы расталған жағдайда, акт жасала отырып, пломба орнатылады.
Шұғыл түрде маманның араласуын талап ететін апаттық жағдай туындаған кезде тұтынушы апатты жою үшін пломбаны алуға құқығы бар ПИК немесе МИБ апаттық қызметін шақыруы қажет. Бұл жағдайда міндетті түрде акт жасалуы тиіс. Актіде жұмыстың жүргізілген күні, пломбаны алу кезіндегі ыстық сумен жабдықтаудың жеке есепке алу аспабының (ЫСЖ ЖЕА) көрсеткіштері және орындалған жұмыстардың түрі көрсетілуі қажет. «АлЖЖ» ЖШС қызметкері келген кезде абонент осы актіні ұсынуы тиіс.
Маңызды: ПИК немесе МИБ апаттық қызметі ЫСЖ ЖЕА пломбаларын тек жеке тұлғаларға тиесілі есепке алу аспаптарынан алуға құқылы. Заңды тұлғалар «АлЖЖ» ЖШС-не жүгінуі қажет.
Пломбаны ешқайда хабарламай және акт жасамай өз бетінше алу немесе бүлдіру ыстық су мөлшеріне қайта есептеу жүргізуге әкеп соғуы мүмкін.
Есептегіштің пломбасын алу туралы өтінім қандай жағдайларда берілуі қажет:
- есепке алу аспабын бөлшектеуді немесе пломбаның бүтіндігін бұзуды талап ететін жөндеу немесе сантехникалық жұмыстар жүргізілген кезде;
- пәтер ішіндегі ыстық сумен жабдықтау желілерінде апаттық жағдай туындаған кезде;
- есепке алу аспабының ақауы анықталып, оны жөндеу немесе ауыстыру қажет болған кезде;
- метрологиялық салыстырып тексеру мерзімі аяқталып, аспапты салыстырып тексеру үшін бөлшектеу қажет болған кезде;
- есепке алу аспабын жаңасына ауыстырған кезде;
- есепке алу аспабын бөлшектеуді немесе пломбаның бүтіндігін бұзуды талап ететін өзге де жағдайларда.
Пломбаны алу және қайта орнату туралы өтінім беру үшін тұтынушылар «АлЖЖ» ЖШС-нің тұтынушыларға қызмет көрсету орталықтарына жүгіне алады.
