Алматыда жылыту және ыстық сумен жабдықтау үшін коммуналдық кәсіпорын алдындағы қарыздарын айыппұлсыз өтегісі келетін жылу энергиясын тұтынушылар үшін «Қарыздарыңды төле, өсімпұлды есептен шығарамыз» науқаны басталды.

Бұл шара өсімпұлды төлемеу есебінен болатын үнемнен тыс, борышкерлерге қатысты енгізілген шектеулер мен мүлкіне қатысты, сондай-ақ банк шоттарындағы бұғаттауды алып тастауға мүмкіндік береді.

Науқанға қатысу үшін ағымдағы жылдың тамыз айынан бастап желтоқсанның соңына дейінгі аралықта берешекті толық өтеп, «Алматы жылу жүйесі» ЖШС-не өтінішті, eGov mobile арқылы жеке басты куәландыратын цифрлық құжатты, негізгі қарыздың төленгенін растайтын құжатты (кассалық чек) info@alts.kz электрондық поштасымен жіберуге немесе тұрғылықты жері бойынша ТҚО-лардың (тұтынушыларға қызмет көрсету орталықтарының) біріне барып аталған құжаттарды қолдан-қолға тапсыруға болады.

Сондай-ақ, 341-07-77 нөміріне қоңырау шалу арқылы «АлЖЖ» ЖШС анықтамалық қызметіне хабарласу арқылы берешек туралы ақпарат немесе жылу энергиясына қатысты төлемақы мөлшерін есептеу жөніндегі кеңес алуға болады. Сонымен қатар, WhatsApp нөмірі қолданылады: +7 (775) 990-50-63 (тек хабарламаларды қабылдау үшін жұмыс істейді).

Берешек төленбеген жағдайда, қарызы барлар жылумен жабдықтау қызметтерінен ажыратылады, ал қарыздар сомасы сот арқылы өндіріледі.