2026 жылғы 15 қыркүйек күні қоғамдық мониторинг шеңберінде ұйымдастырылған «Алматы жылу жүйесі» ЖШС-ң жылу желілерін жаңғырту объектілері бойынша пресс-тур өтті.
Іс-шараға Табиғи монополияларды реттеу комитетінің Алматы қаласы бойынша Департаментінің басшысы А.Г. Жанабаева, «Алматы жылу жүйесі» ЖШС-ң техникалық директоры Д.Д. Жанкарин, Алматы қаласының Энергетика және сумен жабдықтау басқармасының өкілдері, Тариф белгілеу мәселелері жөніндегі Өңірлік комиссия мүшелері, сондай-ақ БАҚ мен қоғамдық бірлестіктердің өкілдері қатысты.
Қатысушылар кәсіпорынның 2026 жылға арналған инвестициялық бағдарламасына енгізілген үш объектіге барып қайтты.
1.Куприн көшесіндегі жылу желілері. Бас мердігер — «АС-Строй» ЖШС.
Желілер 1988 жылы пайдалануға берілген және өз нормативтік мерзімін атқарып қойған. Жылу желілерінің ауыстырылатын бөлігінің ұзақтығы— 472 метрді құрайды (Ду 50–65 мм).
Жылу ысырабы. Жүргізілген жұмысты есепке алғанда, 442,5 Гкал/жылдан 85,1 Гкал/жылға дейін азаяды (357,35 Гкал/жыл үнемделеді).
Желілер 2 тұрғын үй мен балабақшаны жылумен және ыстық сумен қамтамасыз етіп отыр.
2. Саин көшесінің бойындағы (Төле би көшесінен бастап Елемесов көшесіне дейінгі учаске) жылу магистралі. Бас мердігер — «AlanSapa» ЖШС.
1990 жылы пайдалануға берілген. Ұзақтығы — 188,5 метр (Ду 500 мм).
Жылу ысырабы 792,9 Гкал/жылдан 231,7 Гкал/жылға дейін азаяды (561,23 Гкал/жыл үнемделеді) .
Магистраль 177 көппәтерлі үйді, 2 жеке үйді, 4 мектепті, емхананы, балабақшаны және 35 қалалық инфрақұрылым объектісін жылумен қамтамасыз етіп отыр.
3. Сүлейменов-Тоқтабаев-Семятин көшелерінің квадратындағы жылу магистралі. Бас мердігер — «УМР-6» ЖШС.
1983 жылы пайдалануға берілген. Ұзақтығы — 217 метр (Ду 200–400 мм).
Жылу ысырабы 641,9 Гкал/жылдан 168,9 Гкал/жылға дейін азаяды (473,04 Гкал/жыл үнемделеді).
Желілер 70 көппәтерлі үйді, 5 жеке үйді және басқа да 17 объектіні жылумен қамтамасыз етіп отыр.
Жаңғырту жұмыстары желілердің апаттылығын, тозуын және жылу шығындарын азайтуға бағытталған. Жүргізілетін жұмыстар тұрғындарды сапалы әрі үздіксіз жылумен жабдықтауды және ыстық сумен жабдықтауды қамтамасыз етуге мүмкіндік береді.
