Қайта жаңғырту – жылыту маусымынан өтуге дайындық кезеңінің ішінде кәсіпорынның алдында тұратын аса маңызды міндеттердің бірі.

Желілердің қыс мезгіліндегі апаттылығы, жылумен жабдықтау сапасы және апатсыз жұмысы тікелей жұмыстардың қаншалықты сапалы өткізілгеніне байланысты.

Алматы жылу жүйесі мекемесінің бас директоры Марат Сеитказиев күн сайын жұмыстар әлі жүргізіліп жатқан қайта жаңғырту объектілерін аралап тексереді. Оларды биылғы қыркүйек айының соңына дейін аяқтау жоспарлануда.

Жұмыстардың сапасы мен уақтылы орындалуы үшін үлкен жауапкершілік жүктелген мердігер ұйымдар жасаған жұмысы туралы есеп береді, негізгі тұстары мен күрделі мәселелерді талқылайды. Мердігер ұйымдардың басшыларының уәдесі бойынша жылу желілерін қайта жаңғырту жұмыстары өз мерзімінде аяқталады.

Келесі жылыту маусымы өткен кезде тәуекелдерді барынша азайту мақсатында күрделі жөндеу жұмыстарының көлемі анықталды. Биыл Алматы қаласында жылу желілерінің 20 километрге жуығын жөндеп шығу жоспарланып отыр. 

Бүгінгі таңда келесі объектілер бойынша жұмыстар толық аяқталды:

• Райымбек даңғ., 502, 504, 506 мекенжайлары бойынша
• Саин — Райымбек — Төле би көшелерінің квадратында
• Уәлиханов көшесінің бойында (Гоголь көш. бастап Жібек Жолы көш. дейін)
• 2-ші Гончарная көшесінің бойында (Райымбек даңғ. бастап солтүстік бағытта)
• Манас — Жандосов — Байзақов — Бұқар Жырау көшелерінің квадратында
• Саин көш., 18, 16/1, 16/2 мекенжайлары бойынша
• Снегин көш. бойында (Меңдіқұлов желекжолынан бастап Достық даңғ. дейін)
• Сүлейменов — Тоқтабаев — Семятин көшелерінің квадратында
• Березовский, 18 мекенжайы бойынша сорғы станциясы
• Саин көш. батысына және Шаляпин көш. солтүстігіне қарай аулаішілік аумақ бойынша