Бүгін біз сіздерге кәсібилік пен өз ісіне адалдықтың адамға шабыт берер мысалы жөнінде әңгімелеп бергіміз келеді!

Сергей Падалян энергетика саласындағы еңбек жолын 1993 жылдың мамыр айында 4-разрядты жылу желілеріне қызмет көрсетуші слесарь ретінде бастаған болатын. 1999 жылдың сәуір айында ол өзінің біліктілігін 5-топқа көтерді.

Өз жұмысы барысында Сергей Алексеевич күнделікті өмірде де өзіне пайдасы тиген көптеген дағдыларды меңгерді. Оның өзі олардың ең маңыздысы өмірінің ажырамас бөлігіне айналған өз іс-тәжірибесі деп санайды.

Әдетте, кәсібіңізді өзгерткіңіз келе ме деген сұраққа Сергей Алексеевич: «Өз орнымда өз әлеуетімді толық жүзеге асырдым», — деп жауап береді. Слесарь қызметін атқара жүріп, ол жылу трассаларын жөндеу және оларға қызмет көрсету, сынау және ажыратып-қосу жұмыстарымен айналысты.

2024 жылдың тамызында оның кәсіби өмірінде елеулі өзгерістер орын алды. Сiңiрген еңбегі мен елге танытқан әлеуеті үшін Сергей Алексеевич Орталық пайдалану ауданының магистралдық жылу желілері учаскесінің жылу желілері бойынша аға шебері болып тағайындалды. Қазақстан Республикасы күніне орай оның кәсіби шеберлігі айрықша құрметпен бағаланды — ол мемлекет тарабынан ІІІ дәрежелі «Еңбек даңқы» орденімен марапатталды.