2022–2026 жылдарға арналған Қазақстан Республикасының сыбайлас жемқорлыққа қарсы саясат тұжырымдамасын іске асыру жөніндегі іс-қимыл жоспары, сондай-ақ Сыбайлас жемқорлыққа қарсы комплаенс-қызметтің негізгі ұйымдастырушылық іс-шаралар жоспары аясында 2025 жылғы 27 наурызда АКС ЖШС «АлТС» қызметкерлері Оңтүстік және Батыс пайдалану аймақтарында «Квазимемлекеттік сектордағы сыбайлас жемқорлық үшін жауапкершілік және сыбайлас жемқорлықпен күрес» тақырыбында алдын алу шарасын өткізді.

Іс-шараның мақсаты — кәсіпорын қызметкерлерінің сыбайлас жемқорлыққа қарсы мәдениетін және жауапкершілігін арттыру.

Семинар-кеңес барысында спикер сыбайлас жемқорлыққа жүйелі түрде қарсы күрес жүргізу, оның пайда болуына ықпал ететін себептер мен жағдайларды азайту қажеттілігіне ерекше назар аударды. Қатысушыларға төмендегі түсініктер кеңінен түсіндірілді:

• Сыбайлас жемқорлық және сыбайлас жемқорлық құқық бұзушылықтар;

• Пара алу және пара беру;

• Пара ұғымына не кіреді;

• Сыбайлас жемқорлық құқық бұзушылықтары үшін жауапкершілік.

Сыбайлас жемқорлыққа қарсы профилактикалық жұмыстар бекітілген жоспарлар негізінде жалғасын табады.